Dul Kamid bingung karo masalah iklan ning media sosial lan televisi
Guyonan Dul Kamid nyalon bupati lan duwe keluhan bab iklan ning media sosial iki pancen bisa nggawe sampeyan mesem. Dul Kamid sing ora ngerti teknologi, malah dadi bingung karo masalah iklan ning media sosial lan televisi. Ngene ceritane.
Dul Kamid, sing lagi sibuk kampanye kanggo nyalon bupati, mutusake kanggo promosi liwat iklan ning televisi lan media sosial. Karo gaya percaya diri, Kamid ngomong karo Bejo, "Bejo, sekien jamane digital. Isun kudu nggawe iklan ning televisi lan media sosial. Yen ora, Isun kalah modern."
Bejo, sing ngerti teknologi sak-nduwure, langsung mesem, "Ya bener,
Kamid. Tapi sampean kudu ngerti yen media sosial lan televisi iku beda. Apa
sampeyan wis ngerti cara kerjane?"
Kamid nyengir, "Tenang bae, Bejo. Isun wis nyiapake iklan. Nanging kok
aneh, lho. Iklanne Isun iki garep tek upload ning media sosial dina Kamis, tapi
muncul ning Sabtu. Lha, priwe iki?"
Bejo mesem lan ngakak, "Lha, Kamid. Sampeyan ngerti ora? Yen sampeyan
upload ning media sosial, ya ora langsung muncul ning kabeh wong. Algoritma
media sosial iku kadhang telat nyebare."
Kamid malah tambah bingung, "Algoritma? Lha, yen ning televisi iku
iklanne Isun langsung muncul! Ora usah nunggu-nunggu!"
Bejo njelasaken karo sabar, "Yen ning televisi, sampeyan iku bayar
kanggo slot waktu sing tetep, Kamid. Yen ning media sosial, sampeyan kudu
nunggu algoritma nyebaraken videone sampeyan ning media sosial sing
relevan."
Kamid mesem setengah heran, "Lha kok mengkonon? Isun kira ning media
sosial iku cepet, luwih canggih tinimbang sing televisi. Kok malah telat?"
Bejo terus njlentrehaken, "Ya, media sosial iku canggih, tapi cara
kerjane beda. Wong-wong sing nggunakaken iku akeh banget, Kamid. Dadi
kadhang-kadhang iklan sampeyan bisa mlebu sakwise pirang-pirang jam utawa malah
bisa itungan dina."
Kamid langsung ngomong karo serius, "Wah, iki aturan kudu dipertajam,
Bejo. Isun ora setuju. Yen upload Kamis, ya mestine Kamis langsung muncul. Kok
bisa malah Sabtu? Iki ora sesuai karo iklim kampanye digital."
Bejo ngakak ora kuat nahan, "Kamid, sampeyan iki lucu tenan. Iklim
kampanye digital priwe? Iki ora masalah aturan, tapi cara kerja teknologi.
Sampeyan kudu sabar karo proses!"
Kamid ngelus dodo, "Lho, Bejo. Yen Isun dadi bupati, Isun bakal nggawe
peraturan anyar. Yen upload iklan, kudu langsung muncul. Ora bisa telat-telat
kaya ngene iki. Iki malah ora efektif!"
Bejo mung bisa mesem, "Wah, Kamid. Yen kabeh masalah iklan media sosial
kudu langsung muncul, sing ndandani yo bukan peraturan, tapi wong sing ngerti
teknologi. Sampeyan kudu sinau luwih akeh bab media sosial iki."
Kamid, ora kalah percaya diri, terus ngomong karo gayane, "Ya, pokoke,
peraturan kudu tegas. Kudu adaptasi karo iklim digital. Iki penting supaya
kampanye lancar!"
Warga sing krungu celotehane Kamid malah ngakak. Salah siji warga, Pak
Slamet, nyeletuk, "Wah, Pak Kamid. Yen sampeyan dadi bupati, aturane bakal
canggih tenan. Upload Kamis, kudu muncul Kamis! Hahaha!"
Wong-wong padha ngguyu, lan Bejo mung bisa mesem, "Yah, Kamid, sing
penting sampeyan tetep semangat. Wong-wong ngerti maksudmu, senajan carane rada
konyol."
Kamid ora kalah semangat, "Lha, iki penting, Bejo! Sampeyan kudu ngerti
yen teknologi ki kudu pas karo jadwal!"
Pesan moral: Ngerteni teknologi iku penting, luwih-luwih
yen sampeyan pengin kampanye ning era digital. Nalika teknologi ora pas karo
ekspektasi sampeyan, ora mung aturan sing kudu dipertajam, nanging pangerten
bab cara kerjane sing uga kudu dipelajari!
Penulis
SM Indramayutradisi