Dul Kamid Ngecaprak Pura-Pura Ngerti Masalah Kasus Fufufafa Sing lagi Viral
Guyonan Dul Kamid lan pandangane masalah kasus Fufufafa kien emang lucu pisan. Dul Kamid, sing ora ngerti apa-apa bab kasus Fufufafa, malah ngupai komentar ngawur sing nggawe kabeh wong gemuyu kepingkel-pingkel. Mengkenen critane lur.
Suatu dina, Dul Kamid lagi lungguh santai ning warung wedangan karo Bejo lan
batur-batur sejenne. Dadakan, salah siji bature, sing aran Pak Karto, ngomong,
"Mid Kamid, sampeyan wis krungu apa durung masalah kasus Fufufafa?
Kien lagi rame pisan."
Kamid bingung lan nggawe wajah serius, "Fufufafa? Apa iku? Wong kok arane
kaya lagu bocah-bocah bae?"
Bejo sing wis ngerti langsung mesem, "Lho, Kamid, iki kasus penting
lho. Sampean ora ngerti? Fufufafa iku ora gampang. Wong-wong sekien lagi padha ngandakaken
masalah iku."
Kamid sing seneng mbodor malah ngomong, "Fufufafa... Isun yakin iki
dudu kasus serius. Wong yen arane bae kaya konon, mesthine lucu. Apa kasus iki
soal wong nyanyi kaya bocah cilik? 'Fufufafa, ana ning umah...'"
Pak Karto langsung gemuyu ngakak, "Mid Kamid, sampeyan iki lucu pisan.
Lha, kien kasus beneran, Mid Kamid. Wong-wong padha debat soal kien ning
televisi lan media sosial."
Kamid nggawe wajah luwih serius, pura-pura ngerti, "Oh, ya ya. Isun wis
ngerti sekien. Kasus kien pasti ana kaitanne karo politik, iya kan? Biasane gapa
kasus rame kaya kenen, ya bisa dipastiaken gawa-gawa politik kari-karine."
Bejo kelawan sabar nyoba njelasaken, "Lho, Kamid. Kien dudu kasus politik
langsung. Kasus Fufufafa iku lho soal skandal gedhe sing kena sorotan
umum."
Kamid malah tambah bingung, "Lho, skandal? Apa skandal kowe nyanyi lagu
Fufufafa trus viral? Isun iki pasti salah ngerti maning kih ya, tapi kok rasane
ora penting-penting banget. Mungkin wong-wong iki kakehan ngurus kasus sing ora
jelas."
Kabeh wong warung ora kuat nahan gemuyu. Pak Karto, sing malah bingung karo
jawaban ngawur Kamid, nyeletuk, "Wah, Kamid, sampeyan kien nyebut kasus
gede dadi lagu cah! Yen wartawan krungu, sampeyan bisa diundang menyang
talkshow."
Kamid malah njawab karo bangga, "Ya, jelas bae. Kadhang-kadhang wong
iku kudu mikir sederhana. Wong arane bae Fufufafa, pastine kasus iki ora
serius. gapa isun dadi presidenne, kasus kayang ngene ora bakal tak urusi, tak joraken
bae!"
Bejo sing guri langsung ngomong, "Kamid, sampeyan iki emang ora ngerti apa-apa.
Fufufafa kien perkara serius, lho. Wong-wong ning Jakarta, malah pejabat, padha
ngomong masalah kien. Iki skandal sing bisa nggawe gonjang-ganjing
pemerintahan."
Kamid malah tambah ngawur, "Ah, skandal-skandal... Yen ana kasus sing arane
lucu, mesthi ora penting. Mengkonon bae kok diributaken. Lagian, skandal mesthi
bakal sirna yen ora digedhe-gedheaken."
Warga sing lagi nginung teh ning warung kopi padha ngakak. Pak Slamet, sing
biyasane diem-diem bae, nyeletuk, "Wah, Pak Kamid kien pinter. Gapa ana
kasus skandal, arane bae kudu di ganti dadi Fufufafa supaya ora rame!
Hahaha!"
Kamid nyengir lebar, "Lha, bener kan! Yen skandal arane lucu, wong-wong
ora bakal ngomongaken maning. Sing penting sekien kita kudu tetep tenang lan
ora kakehan mikir masalah sing arane kaya lagu bocah cilik pasti bakal sirna
lan ilang dewek suwe suwene gah."
Akhire, kabeh wong warung padha ora kuat nahan gemuyu ngakak. Kamid, sanajan
ora ngerti masalah kasus Fufufafa, malah dadi pusat guyonan karo pandangan lan
pemikirane sing ngawur.
Pesan moral: Kadang-kadang, wong sing ora ngerti maksude
malah bisa nggawe kita pada gemuyu karo komentar-komentare sing ngawur.
Nanging, tetep eling, yen ana masalah penting, luwih becik dipahami dikit
sadurunge komentar!
Penulis
SM Indramayutradisi.com