Dul Kamid Nyalon Bupati Ngandelaken Bekingan Ghede Sing Istana
Ana crita lucu maning soal Dul Kamid, sing sakwise gagal nyalon bupati ning crita biyen, saiki malah nekad pengen nyoba maning. Bedane, saiki Dul Kamid ora mung ngandelaken semangat, nanging wis ngaku-ngaku duwe "bekingan" sing gedhe, langsung sing Istana Negara!
Mengkenen ceritane.
Dul Kamid, sakwise gagal nyalon dadi bupati ning taun kepungkur, ora kapok.
Malah saiki tambah pede. Tekang ngisor wit ringin ning alun-alun, Kamid
langsung nyruput wedang kopi karo mukul meja, "Kabeh bakal gumun! Saiki
reang duwe dukungan langsung sing Istana Negara!"
Kancane, Bejo, sing biyen melu gemuyu nalika Kamid nyoba nyalon, saiki malah
dadi penasaran, "Eh, Kamid, iki piye critane? Kok bisa sampean duwe
bekingan sing Istana?"
Kamid langsung celingukan kanan-kiri, kaya sing ngumpet-ngumpet, trus
ngomong lirih, "Reang nduwe kenalan sing parek karo wong gedhe. Ora
sembarang wong ngerti. Iki rahasia gedhe, ora kena bocor!"
Kancane malah tambah percaya. Desas-desus iki nyebar kaya angin sepoi-sepoi.
Wong-wong ndesa mulai ngomong ning warkop, pasar, lan pos ronda, "Kamid ki
bakal dadi bupati, wis duwe bekingan sing kuat!"
Kamid tambah pede, nganggo jas sing disilih sing tetangga, mangkat ning
kabupaten kanggo ndhaptar. Tekang kantor KPU, Kamid langsung maju karo langkah
kemayu, "Reang Dul Kamid, nyalon dadi bupati, dukungane sing Istana
Negara!"
Petugas KPU bingung, "Sapa? Dul Kamid? Dukungane soko endi?"
Kamid njawab karo nada gumregah, "Soko Istana Negara! Reang olih janji
langsung, tenan iki. Sing penting dicathet dikit, tak gawe gebrakan gede!"
Petugas mung ngangguk-angguk, banjur ngecek berkas Kamid. Sawise didelok
kanthi teliti, petugas KPU ngendika, "Pak Kamid, berkasmu ora lengkap. Ora
ana surat rekomendasi resmi lan ora ana partai sing ndhukung. Sampean kudu
lengkap dikit!"
Kamid kaget, nanging masih percaya diri, "Tenang bae, surat rekomendasi
lagi tak enteni langsung sing Istana, lagi proses!"
Suwene seminggu, ora ana kabar sing Istana. Kamid mulai bingung. Dheweke
mutusaken kanggo menelepon "kenalane" sing jarene parek karo wong
gedhe. Nanging sawise pirang-pirang meneh, ora ana tanggapan.
Akhire, nalika batas pendaftaran hampir rampung, Kamid langsung diterangken
karo petugas, "Pak Kamid, gapa ora lengkap ya ora iso ndhaptar. Dadi,
maaf, sampeyan ora bisa nyalon."
Kamid lungguh lemes. Buru-buru tanggap, batur-batureteka lan ngomong,
"Piye, Kamid? Bekinganmu sing Istana piye?"
Kamid njawab pelan karo muka kecut, "Bekingane ana... mung bekingane
sing ora olih sinyal!"
Wong-wong warkop langsung ngakak. Dul Kamid, sing awal-awale percaya diri
banget, malah gagal maning gara-gara ora ana sinyal lan berkas ora lengkap!
Pesan moral: Kadang niat gede tanpa persiapan lan nyonggo
realita mung bakal nyebabaken kecewa! Sing penting, nyiapaken rencana sing
bener lan ora ngandelken janji kosong!